Si esta nueche dempués de les 12 percibes un arume a cera, escuches a los perros agullar desesperaos, los gatos fuxen y nun los ves nin los bigotes, percibes cantares aciagos y una campaniella, y te atopes con una comitiva fantasmal encabezada por un home o muyer mortal portando una cruz siguíos de dos fileres d’almes en pena vistíes de blancu y descalces y una vela allumando’l so camín……
Cuerre tan rápido como pueas, y… si’l mieu paralízate báltate pámpana abaxo y non te muevas y reza lo que sepas. Si reacciones medianamente estrémate del so camín y nun los mires, si nun tienes l’estómagu zarráu comi lo primero que tengas a mano. Y nunca, pero nunca se te asoceda aceptar una vela de les que te van ufiertar. Lo meyor que podria pasate ye tener un cruceiro abargana y xubite a unu de los sos pasos, o llevar una cruz contigo.
Y si ves a dalgún vecín cada dia mas pálidu y delgáu ….. ten curiáu!!!!! ye’l mortal qu’encabeza la procesión portando la cruz y que irremediablemente va morrer, sacantes que pille a dalgún prindo o prinda que lu sustituya porque nun lleó esti artículu y nun sabe lo que lu espera.
Pero’l to nun desesperes, yá sabes cómo tienes qu’actuar, amás te voi aselar, solo delles persones tienen el don de poder vela y otros menos afortunaos solo la de sentila. ¿ Y tu ? ¿ vas poder esfrutar de la Gúestia?
